He Needs Your Advice:- Should I Follow The Gateman Inside?

‎I get one new babe her name na Lovett, this girl fine die and on top her beauty na she Olamide sing for because she carry front and she carry back, anytime when I dey with her my body go just dey do me totorey. Few days ago she say make I come her house come see her,she say if I reach make I talk to the gateman, if possible make I give am small money so that him go smuggle me enter inside her room, because the papa na retired army and him dey harsh well well for her matter.

As I reach the house I come see the gateman for outside na him I go meet am, na old man him even be, he wear short nika and singlet when don tear and him hold news paper.

Me:- bros well done o, I know say na you be gateman here, abeg lovett tell me say make I come see her, hope say she dey?

Gateman:- yes, she is inside

Me:- what of the useless papa?hope say e no dey

Gateman:- yes

Me:- abeg you go carry me go lovett room

Gateman:- Okay, let’s go in

Me:- okay, but make I first buy condom for this shop when dey outside, because today na me and that her big yansh go die together o

Gateman:- okay, make it snappy, I’ll be waiting

Me:- wetin tear your singlet like this nau?

Gateman:- it got torn while we were doing a little sanitation

Me:- no worry I go buy another one for you ehn

Gateman:- thanks a lot

Me:- you be correct guy, and if you behave well when I come I go give you small thing join am

Gateman:- okay, thank you

As I dey find shop when I go buy condom na him I see one guy there when come carry dozen of singlet, I come ask am say where I fit buy condom for the area, him come show me, I come ask am weather e dey sell singlet say I wan buy for somebody, na him e tell me say as them dey do sanitation for house na him oga singlet tear so oga say make he go buy dozen come, say na him be gateman for them lovett house.

Abeg I no know weather make I go the house again?

Advice me

Drop your comment.

The post He Needs Your Advice:- Should I Follow The Gateman Inside? appeared first on Naijaloaded | Nigeria No. 1 Online Portal.

from Naijaloaded | Nigeria No. 1 Online Portal http://ift.tt/1FDUxWZ

via IFTTT